पूणे विभाग:- सचिन दगडे शिरूर तालुका प्रतिनिधी
पुणे : शिक्रापूर पोलिसांनी पीडित मुलीच्या तक्रारीवरून रोहन नप्ते याच्यावर बाललैंगिक अत्याचार विरोधी कायद्यान्वये गुन्हा दाखल केला. त्याला अद्याप अटक झाली नसल्याची माहिती शिक्रापूर पोलिसांनी दिली.
याबाबत शिक्रापूर पोलिसांनी दिलेल्या माहितीनुसार, एका अल्पवयीन युवतीची रोहन नप्ते या युवकाशी काही दिवसांपूर्वी ओळख झाल्यानंतर रोहन याने युवतीशी ओळख वाढवून तिचे काही फोटो काढले. पुढील काही दिवसांत त्याने या अल्पवयीन मुलीला लग्नाचे आमिष दाखवत एका हॉटेलमध्ये घेऊन जाऊन तिच्यावर अत्याचार केला. त्याने तिच्यासोबत लग्न करण्यासाठी एका मोटारीमधून त्याने अन्यत्र फिरविले. पुढील काळात या मुलीशी आपले लग्न लावले नाही, तर संपूर्ण कुटुंबीयांना जिवे मारण्याचीही धमकी दिली. याप्रकरणी अत्याचार सहन न झाल्याने पीडित मुलीने शिक्रापूर पोलिस ठाण्यात फिर्याद दिल्याने पोलिसांनी रोहन सोमनाथ नप्ते (रा. शिरूर) याच्याविरुद्ध बाललैंगिक अत्याचाराचा गुन्हा दाखल केला. पुढील तपास सहाय्यक महिला पोलिस उपनिरीक्षक रोहिणी सोनावले हे करत आहेत.
