महाराष्ट्र अंधश्रद्धा निर्मूलन समिती तर्फे वयात येताना लैंगिकता प्रबोधन मोहीम
विदर्भ विभाग प्रतिनिधी: – युसूफ पठान
*
राज्य विविध उपक्रम विभाग आणि वैज्ञानिक जाणिवा शिक्षण प्रकल्प विभाग तर्फे “वयात येताना-लैंगिकता प्रबोधन” हा उपक्रम सनशाईन इंग्लिश हायस्कूल व कनिष्ठ महाविद्यालय सेवाग्राम येथे मुलींसाठी वयात येताना हा कार्यक्रम घेण्यात आला यावेळी मार्गदर्शन करताना पाळी सुरू होणे हे मातृत्वाची पहिली अट असतांना ती वाईट,अशुध्द कशी होवू शकते कारण आपण व समाजाने ते ठरविले आहे मुल मुली वयात येताना.त्याच्यांत होणारे शारीरिक व भावनीक, मानसिकरित्या होणा-या बदलांनी मुली पार गोंधळून जातात कारण पाळी येणे हा प्रसंग त्यांच्या जिवणात त्यांना प्रथमच अनुभवायला येतो .
अशा काळात आईने मुलींच्या वागण्यात येणा-या बदलांकडे सुक्ष्म निरीक्षण ठेवले पाहिजे असे आवाहन प्रियदर्शनी महाविद्यालयाच्या प्राध्यापिका आणी महाराष्ट्र अंधश्रद्धा निर्मूलन समितीच्या वर्धा जिल्हा विवेक वाहिनीच्या जिल्हा कार्यवाह प्रा डॉ मंजुषा देशमुख यांनी केले
- लैंगिक शिक्षण हे उद्दिष्ट समोर ठेऊन रघुनाथ धोंडो कर्वे (र.धों. कर्वे) यांनी १५ जुलै इ.स. १९२७ ला ‘समाजस्वास्थ्य’ या मासिकाची सुरुवात केली, त्या निमित्ताने या विषयाच्या अनुषंगाने प्रबोधनपर अभियानाचे आयोजन महाराष्ट्र अंधश्रद्धा निर्मूलन समिती राज्य भर करत आहे या प्रबोधनाचा भाग म्हणून वर्धा जिल्हा व शहर शाखा वर्धा यांच्या पुढाकाराने व शालेय महाराष्ट्र विवेक वाहिनी यांच्या सनसाईन इंग्लिश हायस्कूल व कनिष्ठ महाविद्यालयाच्या वर्ग ८ ते १२ च्या मुलींसाठी वयात येताना या प्रबोधनपर कार्यक्रमाचे आयोजन करण्यात आले होते पुढे मार्गदर्शन करताना प्रा डॉ मंजुषा देशमुख यांनी मुलींना प्रथमच आलेल्या पाळीच्यावेळी आपल्या मुलीला विश्वासात घेऊन मैत्रीण बनून त्याबद्दल अतिशय शांतपणे समजावून सांगितले पाहिजे तसेच मुलींनी आईला आपली मैत्रीण म्हणून पाळीची माहिती त्यावेळी आपल्याला वाटणाना त्रास याची माहिती दिली पाहिजे आईंनी मुलींना शारीरिक स्वच्छता कशी ठेवावी,पाळीच्या दिवसात होणारा त्रास आदी बाबत माहिती देवून गरज पडल्यास महिला डॉक्टरकडे घेऊन जावे तिचे योग्य ते समुपदेशन करावे यासह शारीरिक बदलांमुळे पौगंडावस्थेतल्या मुलांच्या मनात लैगिंकतेसंबंधी अनेक प्रश्न निर्माण होतात. त्या प्रश्नांची योग्य उत्तरं मिळाली नाहीत, तर त्यांच्या मनात गैरसमज निर्माण होऊ शकतात. हे गैसमज दूर व्हावे, वयात येताना होणारे शारीरिक, भावनिक बदल, स्त्री-पुरुष संबंध, मासिक पाळी, गर्भधारणा, समलिंगी संबंध, परलिंगी आकर्षण या सर्वांची वयानुरूप योग्य ती शास्त्रीय माहिती दिली. तसेच गर्भाचे लिंग कसे ठरते इथपासून ते एकतर्फी प्रेम म्हणजे काय? केव्हा करावे, गुप्तरोग, एड्स या सर्वांची शास्त्रीय माहिती अतिशय सोप्या भाषेत दिली यावेळी
- पि.पि.टी.व मराठी विज्ञान परिषदे व्दारे निर्मित वयात येताना फिल्म व्दारे अनेक मुद्दे समजावून सांगितले याप्रसंगी मुलींनी विचारलेल्या प्रश्नांना शास्त्रीय आधारावर उत्तरे देवून विद्यार्थींचे समाधान केले
- कार्यक्रर्म यशस्वी करण्यासाठी शाळेतील शिक्षक व कर्मचारी यांनी परिश्रम घेतले
