बुलढाणा जिल्हा प्रतिनिधी :-सुनिल वर्मा
लोणार :-अवैध रेती वाहतूक प्रकरणात आकारलेल्या दंडाच्या रक्कम भरलेल्या शासकीय चलनात खोडखाड केल्याचे निर्दशनास आल्याप्रकरणी निवासी नायब तहसीलदार रामप्रसाद डोळे यांनी दिलेल्या फिर्यादीवरून ५ जणांविरुद्ध लोणार पोलीस स्टेशनला ११ डिसेंबर २०२४ रोजी विविध कलमान्वये गुन्हा दाखल करण्यात आला आहे. जालनाजिल्ह्यातील मंठा तालुक्यात येत असलेल्या तळणी परिसरात साठवणूक केलेल्या रेतीचा लोणार मार्गे विदर्भात विक्रीचा गोरखधंदा दिवसरात्र सुरु होता. लोणार मार्गे होणाऱ्या अवैद्य रेती वाहतुकीवर महसूल प्रशासनाने कारवाई करत दंड आकारून दंडाची रक्कम भरून घेतली.
१ एप्रिल २०२४ ते ३० नोव्हेंबर २०२४पर्यंत अवैद्यरीत्या रेती वाहतूक करणाऱ्या वाहने कारवाई प्रकरणाची तपासणी करण्यात आली. त्यामध्ये अवैद्य रेती वाहतूक प्रकरणात आकारलेल्या दंडाच्या रक्कम भरलेल्या शासकीय चलनात खो डखाड के ल्याचे निर्देशनास आले. त्यानुसार निवासी नायब तहसिलदार रामप्रसाद डोळेयांनी ११ डिसेंबर २०२४ रोजी लोणार पोलिस स्टेशनला फिर्याद दिली. फिर्यादीवरून मंठा तालुक्यातील विनोद डोईफोडे, गणेश हरिभाऊ चाटे, रामेश्वर वामन राठोड, अभिषेक जनार्धन कुंबफळे तसेच लोणार तालुक्यातील अरुण विष्णुपंत जायभाये यांच्या विरुद्ध लोणार पोलीस स्टेशनला भारतीय न्याय संहिता नुसार कलम ३१८ (४) ३३८ ३३६ (३) ३४० (२) ३(५) नुसार गुन्हा दाखल करण्यात आला असून पुढील तपास पोलिस निरीक्षक निमिष मेहेत्रेयांच्या मार्गदर्शनात सहाय्यक पोलिस उपनिरीक्षक धनंजय इंगळे करीत आहेत. बॉक्स सदर प्रकरणाची वरिष्ठ स्तरावरून स्वतंत्र समिती नेमून सखोल चौकशी करून लेखा परीक्षण केल्यास खूप मोठे रॅकेट उघडे पडू शकते. शासनाचा लाखो रुपयांचा महसूल बुडवून शासनाची फसवणूक करणारयामागे कोण सूत्रधार आहे याचा सुद्धा तपास करणे तितकेच गरजेचे आहे(बॉक्स)संबंधीत प्रकरणाचा तपास पोलिस करीत आहेत.
तसेच वर्षभरात अवैद्य रेती वाहतूक कारवाई प्रकरण दंडाच्या भरणा झालेल्या चलनाची पडताळणी करणे सुरू आहे. यामध्ये गैरप्रकार आढळून आल्यास संबंधितांवर गुन्हे दाखल करण्यात येतील. भूषण पाटील, तहसिलदार, तहसिल कार्यालय, लोणार.
