गडचिरोली जिल्हा प्रतिनिधी :- आशिष लाकडे
गडचिरोली :- गोंडवाना विद्यापीठाच्या विद्यार्थ्यांसाठी एक आनंदाची बातमी आहे, विद्यापीठाने,, कॅरी ऑन,,लागू करण्याचा मोठा निर्णय घेतला आहे . ज्या मुळे निकाल कमी लागल्याने अंतिम वर्षाच्या प्रवेशापासून वंचित राहिलेल्या हजारो विद्यार्थ्यांना मोठा दिलासा मिळाला आहे.
सिनेट सदस्यांच्या प्रयत्नांना यश
सिनेट सदस्य प्रा. दिलीप चौधरी,प्रा. निलेश बेलखेडे आणि नुटाचे प्रमुख व सिनेट सदस्य डॉ. प्रविण जोशी यांनी या विद्यार्थ्यांसाठी सातत्याने विद्यापीठाकडे पाठपुरावा केला होता. कोणत्याही विद्यार्थ्याला प्रवेशापासून वंचित राहू नये अशी त्यांची आग्रही मागणी होती. अखेर त्यांच्या प्रयत्नांना यश आले.
परिपत्रक काढून निर्णय जाहीर
गोंडवाना विद्यापीठाने १८ ऑगस्ट २०२५ रोजी परिपत्रक काढून हा निर्णय जाहीर केला आहे. या निर्णयामुळे आता गोंडवाना विद्यापीठ गडचिरोली संलग्नित सर्व महाविद्यालयातील विद्यार्थ्यांना आता अंतिम वर्षात सहज प्रवेश घेता येणार आहे. हा विषय विद्यार्थ्यांना भविष्यासाठी महत्वाचा ठरणार आहे
