विदर्भ विभाग प्रतिनीधी: – युसूफ पठाण
महाराष्ट्र अंधश्रद्धा निर्मूलन समिती तर्फे वयात येताना लैंगिकता प्रबोधन१५ ते २३ जुलै राज्य भर…
राज्य विविध उपक्रम विभाग आणि वैज्ञानिक जाणिवा शिक्षण प्रकल्प विभाग तर्फे १५ ते २३ जुलै दरम्यान “वयात येताना-लैंगिकता प्रबोधन” हा उपक्रम राबविण्यात येत आहे याची सुरुवात कमला नेहरू माध्यमिक विद्यालय वर्धा येथून करण्यात आली यावेळी मार्गदर्शन करताना मुल मुली वयात येताना.त्याच्या शरिरातील बदलाकंडे पालकांनी सुक्ष्म निरीक्षण ठेवले पाहिजे असे आवाहन प्रियदर्शनी महाविद्यालयाच्या प्राध्यापिका आणी महाराष्ट्र अंधश्रद्धा निर्मूलन समितीच्या वर्धा जिल्हा विवेक वाहिनीच्या जिल्हा कार्यवाह प्रा डॉ मंजुषा देशमुख यांनी केले
- लैंगिक शिक्षण हे उद्दिष्ट समोर ठेऊन रघुनाथ धोंडो कर्वे (र.धों. कर्वे) यांनी १५ जुलै इ.स. १९२७ ला ‘समाजस्वास्थ्य’ या मासिकाची सुरुवात केली, त्या निमित्ताने या विषयाच्या अनुषंगाने प्रबोधनपर अभियानाचे आयोजन महाराष्ट्र अंधश्रद्धा निर्मूलन समिती राज्य भर करत आहे या प्रबोधनाचा भाग म्हणून वर्धा जिल्हा व शहर शाखा वर्धा यांच्या पुढाकाराने व शालेय महाराष्ट्र विवेक वाहिनी कमला नेहरू माध्यमिक विद्यालय वर्धा यांच्या संयुक्त विद्यमाने वर्ग आठ ते दहा च्या मुलींसाठी वयात येताना या प्रबोधनपर कार्यक्रमाचे आयोजन करण्यात आले होते यावेळी मंचावर राज्य प्रधान सचिव गजेंद्र सुरकार,व्यसन व प्रबोधन विभागाच्या राज्य कार्यवाह सारिका डेहनकर,महिला विभागाच्या कार्यवाह व्दारकाताई ईमडवार मुख्याध्यापक सौ.मैथिली मुळे प्रामुख्याने उपस्थित होते पुढे मार्गदर्शन करताना प्रा डॉ मंजुषा देशमुख यांनी शारीरिक बदलांमुळे पौगंडावस्थेतल्या मुलांच्या मनात लैगिंकतेसंबंधी अनेक प्रश्न निर्माण होतात. त्या प्रश्नांची योग्य उत्तरं मिळाली नाहीत, तर त्यांच्या मनात गैरसमज निर्माण होऊ शकतात. हे गैसमज दूर व्हावे, वयात येताना होणारे शारीरिक, भावनिक बदल, स्त्री-पुरुष संबंध, हस्तमैथुन, मासिक पाळी, गर्भधारणा, समलिंगी संबंध, या सर्वांची वयानुरूप योग्य ती शास्त्रीय माहिती देणे. तसेच गर्भाचे लिंग कसे ठरते इथपासून ते एकतर्फी प्रेम म्हणजे काय? केव्हा करावे, गुप्तरोग, एड्स या सर्वांची शास्त्रीय माहिती देणे, यासाठी वर्धा जिल्हात शाळा-कॉलेजमध्ये “वयात येताना-लैंगिकता प्रबोधन” अभियान राबविण्यात येत आहे असे मत व्यक्त केले
- यावेळी पि.पि.टी.व मराठी विज्ञान परिषदे व्दारे निर्मित वयात येताना फिल्म दाखविण्यात आली याप्रसंगी मुलींनी विचारलेल्या प्रश्नांना शास्त्रीय आधारावर उत्तरे देवून विद्यार्थींचे समाधान केले
- कार्यक्रमाचे प्रास्ताविक सुत्रसंचालन आभारप्रदर्शन सौ.वर्षा उईके यांनी केले कार्यक्रम यशस्वी करण्यासाठी वर्षा आदेवार ममता वैरागडे, स्मिता खुजे, हेमलता नारायणे,विजया कातोरे मनिषा करलुके यांनी परिश्रम घेतले
