अकोला विभाग प्रतिनिधि गणेश वाडेकर
दिनांक ०७/०२/२०२४ रोजी फिर्यादी नामे जयंतीलाल दुल्लभजी वाघेला, वय ७६ वर्षे, व्यवसाय डॉक्टर, रा. सिव्हील लाईन, अकोला यांनी पोलीस स्टेशन येथे तक्रार दिली की, त्यांना अज्ञात व्यक्तीने फोन करून शेअर मार्केट ट्रेडींग मध्ये गुंतवणूक केली की जास्त नफा मिळवून देईल असे आश्वासन त्यांनी दिले. त्यानंतर फिर्यादी यांनी अज्ञात व्यक्तीवर विश्वास ठेवून एकूण ६४,५०,०००/- रूपये रकमेची गुंतवणूक केली. त्यानंतर फिर्यादी यांनी नफ्याबाबत अज्ञात व्यक्तीस विचारणा केली असता फिर्यादीस उडवाउडवी ची उत्तरे दिली व आणखी गुंतवणूक करण्यास सांगितले. तेव्हा फिर्यादीस आपली फसवणूक झाल्याचे समजले त्यानुसार त्यांनी पो. स्टे, सिव्हील लाईन येथे अप क. ११४/२०२४ कलम ४०६, ४१९, ४२०, ३४ भादंवि प्रमाणे दाखल करण्यात आला. त्यानंतर सदर तपास हा मा. पोलीस अधीक्षक साहेब यांचे आदेशाने सायबर पोलीस स्टेशन येथे वर्ग करण्यात आला.
त्यावरून तपासी अधिकारी यांनी तक्रारीचा सखोल विश्लेषण करून फिर्यादीचे ६,४१,२२१ रूपये गोठविले. व मा. न्यायालयातून ४,५०,००० रू. रक्कम ही गोठविलेल्या खात्यामधून फिर्यादीस प्राप्त करून देण्यात आले आहे. सदर गुन्हयाच्या पुढील तपासात दिनांक १०/०७/२०२५ रोजी पो. स्टे. सिव्हील लाईन येथून पोउपनि सागर फेरण तसेच पो. हवा. अजय राऊत, तसेच सायबर सेल येथून पो. हवा. गजानन केदारे, पो. हवा. अतुल अजने, पो. कॉ. गोपाल ठोंबरे असे मा. पोलीस अधीक्षक साहेबाच्या आदेशाने अहमदाबाद, गुजरात येथे रखाना झाले. आरोपींचा शोध घेतला असता आरोपी नामे (१) कांझीकुमार वल्लभभाई गुडालिया वय २८ वर्षे, रा. अहमदाबाद, गुजरात व (२) चिराग भरतभाई गुडालिया वय २६ वर्षे, रा. अहमदाबाद, गुजरात यांना स्थानिक पोलीसांच्या मदतीने ताब्यात घेतले व संबंधीत कोर्टातून ट्रान्झीट वॉरंट मिळवून प्रथम वर्ग न्यायालय, अकोला येथे हजर केले असता सदर आरोपींना मा. न्यायालयाने दिनांक १५/०७/२०२५ पर्यंत पोलीस कस्टडी दिली आहे.
सदरची कारवाई मा. श्री. अर्चित चांडक, पोलीस अधीक्षक साो. अकोला यांचे मार्गदर्शनाखाली मनिषा तायडे सहा. पोलीस निरीक्षक, सायबर सेल अकोला, पोउपनि सागर फेरण पो. स्टे. सिव्हील लाईन अकोला, पो. हवा, अजय राऊत पो. स्टे. सिव्हील लाईन अकोला, तसेच सायबर सेल येथून पो. हवा. गजानन केदारे, पो. हवा. अतुल अजने, पो. कॉ. गोपाल ठोंबरे यांनी सदरची कार्यवाही केली आहे.
 गुन्हयामधील दोन आरोपींना गुजरात येथून ताब्यात ..){kind=link}