बुलढाणा जिल्हा प्रतिनिधी:- सुनिल वर्मा
लोणार:-डॉ. बाबासाहेब आंबेडकर मानवजातीला दिशादर्शक ध्रुवतारा असे वक्तव्य डॉ. गोपाल बछीरे महापरिनिर्वाण दिनानिमित्त व्याख्यानात केले.
सामाजिक न्याय व विशेष सहाय्य विभाग च्या उपायुक्त मा. जयश्री सोनकवडे जाधव यांनी सामाजिक न्याय भवन येथे आयोजित डॉ. बाबासाहेब आंबेडकर महापरिनिर्वाण दिनानिमित्त कार्यक्रमात डॉ. गोपाल बछीरे प्रमुख व्याख्याते म्हणून बोलत होते बाबासाहेबांच्या जीवनपटावर प्रकाश टाकून ते पुढे म्हणाले बाबासाहेबांचे कार्य फक्त दलित पत दलित यांच्या उद्धारासाठी म्हणणे म्हणजे सूर्याला दिवा दाखवण्यासारखे आहे बाबासाहेबांचे कार्य संपूर्ण मानव जातीचा उद्धार करणारे कार्य करून भारत देशाचे ते उद्धारक झाले आणि म्हणूनच कोलंबिया विद्यापीठाने ‘सिम्बॉल ऑफ नॉलेज’ हा जगातील सर्वोच्च किताब डॉ. बाबासाहेब आंबेडकर यांना मरणोत्तर प्रदान करण्यात आला.
जात पडताळणी समितीचे अध्यक्ष श्री हरपाळकर साहेब यांच्या अध्यक्षतेखाली व श्री कुलकर्णी यांच्या प्रमुख उपस्थितीत हा कार्यक्रम पार पडला या कार्यक्रमास शासकीय वस्तीगृहाच्या शेकडो विद्यार्थीनी, प्रशासकीय अधिकारी, व मोठ्या संख्येने आंबेडकर प्रेमी उपस्थित होते.
