अकोला प्रतिनिधी: – इम्रान खान सरफराज खान
अकोला :- महापालिका क्षेत्रात बंदी असलेल्या कॅरीबॅगच्या वापरावर कारवाई करण्यासाठी महापालिका आयुक्त तथा प्रशासक डॉ. सुनील लहाने यांनी कठोर भूमिका घेतली आहे. नुकतेच पूर्व विभागांतर्गत जनता भाजी बाजाराच्या प्रवेशद्वारावर उभ्या असलेल्या चारचाकी फळविक्रीच्या वाहनाची अचानक तपासणी करण्यात आली. या आकस्मिक तपासणीत वाहनातून बंदी असलेल्या कॅरीबॅगची चार पाकिटे जप्त करण्यात आली, त्यावर तत्काळ कारवाई करून संपूर्ण साठा जप्त करण्यात आला.
अतिक्रमण विभागाच्या मदतीने सदर वाहनही जप्त करण्यात आले. ही कारवाई इथेच थांबली नाही. महापालिकेच्या पूर्व, पश्चिम, उत्तर आणि दक्षिण विभागातील प्रमुख बाजारपेठेतही व्यापक मोहीम राबविण्यात आली. या दरम्यान 15 इतर व्यापारी आणि किरकोळ विक्रेत्यांना बंदी असलेल्या कॅरीबॅग आणि प्लास्टिक कोटेड वस्तूंसह पकडण्यात आले, त्यांचा साठाही जप्त करण्यात आला. या संपूर्ण मोहिमेअंतर्गत एकूण 24,500 रुपयांचा दंड वसूल करण्यात आला आहे. भविष्यात कोणत्याही फळ किंवा भाजी विक्रेत्याकडे बंदी असलेल्या कॅरीबॅगचा साठा आढळून आल्यास त्यांचा संपूर्ण माल जप्त करण्यात येईल, असा कडक इशारा महापालिका प्रशासनाने दिला आहे. याबाबत सर्व संबंधित व्यापाऱ्यांनी दक्ष राहण्याचे आवाहन करण्यात आले आहे. अकोला महानगरपालिकेने शहरातील नागरिकांना आणि सर्व प्रकारच्या व्यापाऱ्यांना आवाहन केले आहे की, सरकारने बंदी घातलेल्या एकेरी वापराच्या प्लास्टिक आणि थर्माकोलच्या विघटन न करता येणाऱ्या वस्तूंचा वापर, विक्री, साठवणूक, उत्पादन आणि वितरण पूर्णपणे थांबवावे, जसे की कॅरीबॅग, प्लॅस्टिक कोटेड डिस्पोजेबल डिश, कप, प्लेट्स, ग्लास, काटे, वाट्या, कंटेनर इत्यादी सर्व महत्वाच्या जाहिरातींच्या कामासाठी मनपा सहकाऱ्यांमध्ये आहे. या कारवाईवेळी स्वच्छता विभाग प्रमुख संजय खोसे, सहायक अतिक्रमण अधिकारी प्रवीण मिश्रा, वरिष्ठ स्वच्छता निरीक्षक शैलेश पवार यांच्यासह अतिक्रमण विभागाचे कर्मचारी उपस्थित होते.
