लोणार प्रतिनिधी:-सुनिल वर्मा
लोणार दियेथील ग्रामीण रुग्णालयात कामावर हजर असलेल्या कर्मचाऱ्यांच्या हलगर्जीपणामुळे 23 डिसेंबर ला एका रुग्णाचा रुग्णालयात जळून कोळसा होऊन मृत्यू झाल्याची घटना सकाळी तीन वाजून 45 मिनिटांनी उघडकीस आली आहे.
याबाबत सविस्तर असे की काल 22 डिसेंबर रोजी सायंकाळी ग्रामीण रुग्णालयात फोन आला की लोणार बस स्थानकावर अनोळखी व्यक्ती आजारी आहे, सदर व्यक्तीला 108 नंबरच्या ॲम्बुलन्सने रुग्णालयात चार वाजुन पस्तीस मिनिटांनी मनोरुग्ण हरिभाऊ बापूजी रोकडे वय 65 वर्ष राहणार पैठण यास दाखल करण्यात आले रात्रीला वैद्यकीय अधिकारी शोएब शहा, कक्षसेवक बळीराम खरात, आधी परिचारिका माने, सुरक्षा रक्षक उद्धव वाटसर यांची ड्युटी होती.
सकाळी 3: 45 मिनिटांनी रुग्णालयाला आग लागल्याची माहिती सुरक्षारक्षकाने रुग्णालयात असलेल्या कर्मचाऱ्यांना दिली, ज्या रुमला आग लागली होती त्या ठिकाणी कर्मचारी पोहोचण्याच्या अगोदरच रुग्णांचा जळून अक्षरशः कोळसा झाला होता, त्यानंतर कर्मचाऱ्यांनी आग विझवण्याचा प्रयत्न केला, या ठिकाणी कर्तव्यावर उपस्थित असलेले कर्मचारी रात्रीला झोप लेले असल्यामुळे आग कधी लागली याची त्यांना माहिती झाली नाही कर्मचारी जागे असते तर रुग्णाचा जीव गेला नसता अशी उलट सुलट चर्चा ऐकायला मिळत होती, रुग्ण हा मनोरुग्ण होता व त्यांने बिडी पेटवल्यामुळे आग लागली तर काही कर्मचाऱ्यांनी शॉर्टसर्किटमुळे आग लागल्याचे सांगितले घटनेचा तपास सहाय्यक पोलीस निरीक्षक गणेश इंगोले पोलीस हेडकॉन्स्टेबल नितीन खराडे हे करीत असून आग नेमकी कशामुळे लागली याचा तपास करीत आहे, रुग्णाच्या नातेवाईकांचा शोध न लागल्यामुळे पोस्टमार्टम केल्यानंतर तहसीलदार यांच्या परवानगीने नगरपालिकेच्या साह्याने रुग्णावर 1.15 मिनिटांनी अंत्यसंस्कार करण्यात आली ची माहिती पोलीस सहाय्यकनिरीक्षक इंगोले यांनी दिली.
